Ticketing nü

Le passaje a n sistem de ticketing de sudtirolmubiltà nü vá dër bun inant.

Te chësc tëmp de passaje velel por chertes desvalies condiziuns d'adoranza desvalies. Al resta döt anfat por che che á le Südtirol Pass - ma che te chësc tëmp de transiziun cört ne vára madër nia da le ciarié tl bus.

En linia de prinzip velel chësc: le mobile ticketing vá dagnora! Che che cumpra o convalidëia süa cherta online tres l'app südtirolmobil ne depënn daldöt nia da automac de chertes y de convalidaziun y á tres na cherta varënta da tó ca.

FAQ - Domandes che vëgn fates sovënz

Ci chertes pói pa adoré?

Contactless-tickets:

  • Südtirol Pass, Euregio Family Pass, Südtirol Pass abo+, Südtirol Pass 65+: al resta (prësc) döt anfat. La sora ezeziun: cina da d'altonn dl 2023 ne jarára nia da ciarié le Südtirol Pass o l' Euregio Family Pass ti bus. An pó ciarié chëstes chertes online y te düc i posć de venüda-südtirolmubiltà. Mo ciamó plü scëmpl él da paié i iadi che an fej tres n contrat "post paid", chël ó dí che al vëgn trat jö l'import de debit diretamënter da osc cunt bancar.
  • Mobilcard: les Mobilcards contactless pó gní convalidades sciöche zënza.

Dötes les atres chertes:

  • Cherta valur: n’é nia plü da ciafé da cumpré da agost dl 2023 incá. Les chertes valur cun n credit romagnënt lassura pó gní dades jö tl tëmp de n ann da süa tomanza te n valgügn posć de venüda-südtirolmubiltà. I scioldi che é ciamó sön la cherta vëgn paiá fora (infos chiló);
  • Cherta singola:
    • bus regionai: an pó cumpré la cherta sön i bus;
    • bus de cité: la cherta ciafon ti posć de venüda-südtirolmubiltà.
  • Cherta por grups: por le momënt ne éra nia a desposiziun.
  • Guest Pass: la cherta mëss gní convalidada vigni iade che an tol n meso publich;
  • Cherta singola y Mobilcard: : la cherta vel sciöche cherta da mostré. Scriede sö prëibel la data y l’ora;
  • Cherta de n de por corieres de cité a Balsan y a Maran: chësta cherta pón ma fá online tres la app südtirolmobil. An ne ciafa nia da cumpré la cherta ti bus y gnanca ti posć de venüda.
  • Euregio 2 Plus: chësta cherta pón ma fá online tres la app südtirolmobil y gnanca ti posć de venüda. An ne ciafa nia da cumpré la cherta ti bus.
Aparac de convalidaziun nüs: co feji pa da convalidé les chertes?

Co feji pa da convalidé les chertes contactless?

Ara vá da convalidé dötes les chertes che á stampé lassura n simbol contactless sce an les tëgn dan le sensur dl aparat de convalidaziun (al é le medemo simbol). Che che s'anüza plü ion de n'opziun smart, pó s'anuzé dl'app südtirolmobil por convalidé so iade cun n click.

Co convalidëii pa la cherta cun le QR-code?

Tles staziuns dla ferata y ti bus vëgnel adoré i leturs de chertes cun n QR-code de generaziun nöia. Al é saurí da convalidé: metede la cherta sot le sensur dl aparat de convalidaziun y aspetede che al vëgnes sö l'"OK" vërt sön le monitor y che i aldise n segnal acustich

Co convalidëii pa le trasport de rodes y tiers?

Pro i automac de chertes nüs pón convalidé ince le trasport de rodes y tiers cun le Südtirol Pass y dötes sües variantes. Ideal fossel sce i paiasses online le trasport dla roda o de tiers (Mobilcard). A chësta moda vëgnel retü la soma paiada surafora (menede prëibel na e-mail a: contact@suedtirolmobil.info.

Al me é gnü trat jö scioldi adinfal: ci dessi pa fá?

Sce al ves é gnü trat jö scioldi adinfal scriede na e-mail a contact@suedtirolmobil.info o cherdede sö le numer de telefon +39 0471 220880. Sce al ves é gnü trat jö scioldi adinfal, i ciafëise sambëgn zoruch.

Automac dles chertes nüs tles staziuns dla ferata da forá dl 2024 en funziun

Tles 55 staziuns dla ferata tl Südtirol él gnü metü en funziun 55 automac dles chertes. Por le pröm iade él ince a Balsan dui automac dles chertes.

I aparac vënn chertes por la ferata y le Südtirol Pass pó ince gní ciarié sö iló. De plü funziuns sará tosc danman. I automac dles chertes tles staziuns di bus n’é indere nia ciamó en funziun.

Tles staziuns olache al n’é nia automac che vá pón cumpré les chertes sön la ferata pornanche an pëia ia.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.