Cherta de viac scëmpla
Via y ca o n’ëura alalongia dut ncrëusc
Per n viac sëul cun la ferata o la curiera, per l viac de jita y de reviers o nce per furné de plu iedesc tl raion dl luech possen cumpré na cherta de viac scëmpla.
Priesc: 15 Cent per chilometer tarifer, turondà sun i 50 Cent dessëura;
Priesc minim per uni viac: 1,50 Euro.
Da giapé:
- online tres la App südtirolmobil (viac singul o viac cumbiné);
- pra la lueges de venduda südtirolmobil;
- sun la curieres regiuneles (viac scëmpl);
- pra i automac de chertes südtirolmobil tla stazions.
- tla ferates regiuneles possen cumpré na cherta de viac scëmpla cun n sëurapriesc de 5 euro diretamënter pra l personal dla ferata. Canche l passijir/la passajira sënta ite tla ferata te na stazion pra chëla che l ne ie no na purtela de venduda de chertes y no n automat de chertes ne vëniel nia rata l sëurapriesc.
- Chertes singules per Lavis y Trënt possa nce unì cumpredes sun www.trenitalia.com.
Validità
- La cherta scëmpla possen cumpré nchin 2 mënsc dan che la vën adurveda. Do che la ie unida cunvalideda velela 3 ëura. La cherta scëmpla vel mé per dut l viac zënza nteruzion, y nia per trasses singules y zënza fermedes.
- Tla App südtirolmobil possen cumpré la cherta riesc dan l viac. Sce la ie unida cumpreda dan (n mëns dan che la vën adurveda) possel vester che n ne la vëij nia plu.
Convalidazion
- Cherta de viac scëmpla: la cherta de viac muessa unì cunvalideda dan che n scumëncia l viac diretamënter tla curiera o tla stazion da chëla che n pëia via. La cherta cun QR code vën lieta dal njin de cunvalidazion brum (pert dessot dl njin). L OK vërt sun l monitor y l seniel acustich mostra su che l viac vel.
- Viac de jita y de reviers: tramedoi viages muessa unì fac l medem di y la cherta ie da cunvalidé tramedoi iedesc.
Da giapé:
- online tres la App südtirolmobil;
- pra la lueges de venduda südtirolmobil;
- pra i automac de chertes südtirolmobil tla stazions;
- ti Citybus y pra i automac de chertes sun la curieres de zità tl raion de Bulsan y Laives (mé muneides, l ne vën dat ora degun rest).
Per viages cun la curieres de zità a Maran y ntëur via cunsions de cumpré la cherta dan fé l viac, ajache n ne possa sun truepa curieres nia cumpré chertes.
Validità
- Chësta cherta possen adurvé per viages cun la curieres da Bulsan a Leifers y Maran y per viages cun l Citybus tl raion dl luech.
- La cherta scëmpla per l raion dl luech vel tl medem raion de tarifa 60 menuc do la prima cunvalidazion. Te chësc tëmp possen fé plu viages cun la curiera tl luech.
Convalidazion
Cherta de viac scëmpla: la cherta de viac muessa unì cunvalideda dan che n scumëncia l viac.
Tla curieres y tla stazions iel njins che liej l QR code per cunvalidé saurì la cherta. La cherta cun l QR code vën lieta dal njin de cunvalidazion brum (pert dessot dl njin). L OK vërt sun l monitor y l seniel acustich mostra su che l viac vel.