südtirolmubiltà x la Westbahn
Cun südtirolmubiltà él le 10% de sconto sön le prisc WestFlex.
Jí cun la Westbahn ó dí che an pó fá iadi comoc, de alta cualité, sostignibli y an n'á nia dî da rové dal Tirol y dal Südtirol tles gran cités dl'Austria y ince plü lunc. La Westbahn coliëia Desproch, Viena, Salzburg y Bregenz, sciöche ince Minca y Stuttgart.
Cun osc abonamënt südtirolmubiltà varënt ëise n vantaje esclusif: i ciafëis n sconto dl 10% sön le prisc WestFlex dla Westbahn.
La Westbahn pîta cin' coliamënc direc al de danter Desproch y Viena y dui coliamënc danter Desproch y Bregenz. Da merz dl 2026 inant rovarál ciamó lapró le coliamënt diret danter Lienz y Viena. Danter Viena y Salzburg, vá la Westbahn vigni mesora passan por St. Pölten, Amstetten, Linz, Wels, Attnang-Puchheim y Vöcklabruck.
Porchël relassesse y descuride destinaziuns nöies te na manira flessibla cun le vantaje südtirolmubiltà sön la Westbahn.
Belanfat sce i ëis n FIX365, Flex, U26, U19, 65+ FREE o n FlexFamily, cun vigni südtirolmubiltà Pass ciafëise n sconto dl 10% sön le prisc WestFlex. Al basta prenoté la cherta online y en le de dl iade podarëise jí cun ci ferata dla Westbahn chessî, zënza messëi mëte averda al orar.
Sce i prenotëis online cina 3 ores dananche pié ia ves gnarál resservé automaticamënter n post debann por le iade.
Sëise sön le iade cun mitans/mituns? Les mitans y i mituns sot ai 6 agn pó jí debann, sce ai é acompagná. Por les mitans/i mituns sot ai 15 agn costa la cherta ma 3 euro por vigni trassa.
Bun da savëi: sce i ëis na intragnüda en le de de osc iade y i ne podëis nia plü pié ia, podëise anulé debann osta cherta Westflex cina en le de dant.
Cun osc südtirolmubiltà Pass él comot da jí cun la Westbahn y ves gode n'esperiënza de iade de alta cualité. Le personal sön la ferata é dagnora a osta desposiziun por domandes y assistënza.
Les ferates modernes da döes alzades pîta na gran comodité: sic de pel comoc y da tröpa lerch, atacs eletrics te döta la ferata, Wi-Fi debann, sorvisc igienics despartis por ëres y ëi, cater WestCaféspor ferata (cun automac por café, boandes frëides y snacks) y trëi classes de comfort: al é le meso ideal por jí cun trancuilité dal Südtirol devers dles cités dl'Austria o devers de Minca o Stuttgart.
Insciö pón ester sön le iade te na manira comota, asvelta y de alta cualité , mo ince sostignibla.
Por laur, stüde y tl tëmp lëde: i ëis chirí fora dërt!
Che ara se trates de n iade de laur, n trasferimënt por rajuns de stüde o por n fin dl'edema lunch, la Westbahn y südtirolmubiltà ves pîta le coliamënt perfet! Aprofitede dla flessibilité, dl sorvisc de alta cualité y di prisc da ne se lascé nia sciampé por osc iade cun la ferata dal Südtirol cina tl'Autria o tla Germania!