Isté cun les furnadoies 2026

Ince dl 2026 vára indô da jí da munt sö cun südtirolmobil!

Cun la promoziun dles furnadoies ti vëgnel lascé do a che che á n südtirol Pass almanco le 30% dl prisc pro tröc implanc portamunt che tol pert. La scomenciadia vá dai 6 ai 17 d'aurí dl 2026 y fej gní ciamó plü vëia da jí da munt sö.

N'ëise nia ciamó n südtirolmobil Pass? Chël n'é degun problem - sce i fajëis domanda tratan le tëmp dla scomenciadia, podëise sambëgn ince os n'avëi valch dainciará. Cun l'abonamënt Fix365 podëise avëi n vantaje tratan döta la sajun da d'isté. I messëis madër ativé osc abonamënt tl portal personal.

Validité dla promoziun:

• Scomenciamënt: canche i lifc y les furnadoies che tol pert pëia ia d'isté
• Fin: canche i lifc y les furdanoies che tol pert stlüj ala fin dl isté

Ci aspetëise pa: apostede osc südtirolmobil Pass dai 6 ai 17 d'aurí spo podëise tó pert ala promoziun.

Cun n Pass atif podëise chirí fora sciöche i orëis adoré osc sconto:

1. I á bele n adesif dal ann passé. Velel ciamó?
   Chël sce. I adesifs vel tres ciamó. Sce i ëis ciamó l'adesif dal ann passé sön osc südtirolmobil Pass podëise le mostré sö pro cassa cun n documënt d'identité - te chësc caje n'ól nia ester n voucher digital surapró.
2. I á ativé n südtirolmobil Pass o n abonamënt Fix365 tratan le tëmp dla scoeanciadia. Ci dessi pa fá?
   Sce i ëis cumpré osc südtirolmobil Pass o osc abonamënt Fix365 tratan le tëmp dla scomenciadia, ativede impröma osc abo te osc raiun personal. N iade che i ëis fat chësc podëise desćiarié diretamënter online osc voucher personal. Sce i orëis impó ciamó n adesif da taché sön osc Pass podëise damané do canchessî pro n infopoint südtirolmubiltà.

Vantaji dl voucher digital:

• al é plü scëmpl y ara vá plü debota pro les casses di lifc y dles furnadoies
• plü trasparënza y la trassabilité
• proteziun surapró cun le QR-Code personalisé

Co feji pa da desćiarié le voucher sce i á bele n südtirolmobil Pass?

Al é dër saurí: jide sön la plata web de südtirolmobil y spo sön la plata dla promoziun da d'isté dles furnadoies. Sce i druchëis sön "Desćiarié le voucher" rovëise diretamënter pro le formular. Dailó podëise dé ite osc numer de codesc fiscal y osc numer de Pass - y i ciafëise atira osc voucher personal tl format PDF.

Pro la cassa di lifc y dles furnadoies che tol pert podëise mostré sö osc voucher cun n documënt personal y osc südtirolmobil Pass. Al vëgn scansioné le QR-Code y i ciafëis la tarifa arbassada.

Bereits in den südtirolmobil Pass integrierte Seilbahnen (Rittner Seilbahn, Standseilbahn Mendel, Seilbahnen Kohlern, Mölten – Vilpian und Vöran – Burgstall) sind von der Aktion ausgenommen.