Un AltoAdige Pass con nuova obliteratrice

Südtirol Pass

Degügn cosć d'emisciun dal 1. de jügn inant

Che che damana proscimamënter do n Südtirol Pass o n Euregio Family Pass á fortüna: al ne vá nia plü debojëgn da paié i 20 euro por l’emisciun dla cherta.

A chësta moda paiel bele la mëia da atira inant, chël ó dí dal pröm iade cun n bus o na ferata, da avëi n Südtirol Pass. Y implü án ince bele por i proscimi iadi cun i mesi dl trasport publich tl Südtirol dagnora te gofa na cherta varënta.

La proposta da tó jö i cosć d'emisciun por le Südtirol Pass, l'Euregio Family Pass, le Südtirol Pass business y ince por le Summer abo+ é gnüda presentada dal assessur por la mobilité Daniel Alfreider y aprovada dala Junta provinziala; ara jará en forza al 1. de jügn dl 2023. Insciö vëgnel garantí che düc i grups de anuzadësses y anuzadus ti pois pormez te na manira dër scëmpla al Südtirol Pass y tl medemo tëmp ti vëgnel sambëgn dé na bela gran sbürla al'adoranza di mesi dl trasport publich.

Le Südtirol Pass: na miú alternativa co la cherta valur

Bun da savëi: cun l'aboliziun di cosć d'emisciun devënta le Südtirol Pass y l' Euregio Family Pass te vigni caje na miú alternativa co la cherta valur adorada cina sëgn. Deache an passa atualmënter ti bus al sistem de ticketing nü y tosc gnará chësc passaje ince adaldé tles staziuns, ne podará la cherta valur de gre en gre nia plü gní adorada y gnará porchël tosc lasciada sö.

I cosć de 20 euro por n duplicat y la cuota d'abonamënt anuala por le Südtirol Pass abo+ y le Südtirol Pass 65+ ne gnará nia tuc jö.

Deliberaziun sön les tarifes: d'atres novités

Tla deliberaziun sön les tarifes nöia él ince gnü fat n valgönes prezisaziuns por ci che reverda l'adoranza debann di mesi dl trasport publich por les forzes dl ordin y militares. Tl dagní sarál implü ince proibí da fomé zigarec eletrics ti mesi dl trasport publich.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.