Ince sce i cosć en general vá sö ne se müda les tarifes dl trasport local publich nia, ater co por ci che reverda i prisc dles Mobilcard.
Dan da 18 agn, canche al gnô introdüt por le pröm iade la Mobilcard, êl sté na picia revoluziun: chertes da fá saurí a n prisc pauscial che podô gní adorades te döta la provinzia por düc i mesi de trasport publich; val' de te n'êl ciamó mai sté denant. Pro les chertes combinades museumobil Card y bikemobil Card rovâl tosc ince les entrades te presciapüch 90 museums y ince l'adoranza de na roda imprestada: chësta ê na bona rajun por nüsc ghesć da se möie zënza tó l'auto y esploré le Südtirol cun la ferata o le bus.
Na cherta por düc i mesi de trasport publich - chësc ê ince le moto canche al é gnü introdüt i abonamënc por scolares y scolars y por jënt atempada, y sambëgn le Südtirol Pass. Aladô dl medemo prinzip funzionëia ince les chertes di ghesć desfarëntes o le Südtirol Guest Pass che vëgn dé fora da tröpes strotöres d'alberch.
Vigni ann vëgnel venü cina 116.000 Mobilcard de vigni sort cun lapró ince la BusCard Maran. Da püch incá vára cinamai da les cumpré tres le smartphone: an pó cumpré la Mobilcard normala ince sciöche cherta online tres la App südtirolmubiltà. Ciara ince al mobile ticketing.
Dal 1. de forá 2023 vel chëstes tarifes:
- Mobilcard 1 n de: 20 euro,
- Mobilcard 3 dis: 30 euro,
- Mobilcard 7 dis: 45 euro,
- museumobil Card 3 dis: 55 euro,
- museumobil Card 7 dis: 65 euro.
- En chësc ann podarán fá la bikemobil Card ma plü por 1 n de y ara costa 30 euro.
Por i jogn y les jones cina 13 agn él da ciafé vigni Mobilcard sciöche cherta junior a mez prisc