Euregio Ticket Students

Metede averda sce i studiëis:

Jide a se do l’abo dl’Euregio!

Che che stüdia tl’Euregio pó jí inant dër bun marcé cun le bus y la ferata cun l’Euregio Ticket Students, che vel te dötes trëi les provinzies.

La jonëza che stüdia tl’Euregio pó ince chësc ann damané do o arlungé l’Euregio Ticket Students y s’anuzé insciö a na moda flessibla y sura i confins fora di mesi dl trasport publich te döt le Südtirol, tl Land Tirol y tl Trentin por n prisc pauscial. L’acordanza aposta vëgn arlungiada aladô dla deliberaziun dla Junta provinziala por ciamó trëi agn.

L’Euregio Ticket Students é na scomenciadia dles trëi provinzies metüda a jí d’otober dl 2021, sciöche pröm abonamënt sura i confins fora por i mesi dl trasport publich te döt l’Euregio. Cina sëgn él gnü damané do feter 750 abonamënc da studënc y studëntes dl Südtirol y dl Trentin tres südtirolmubiltà.

Che pó pa le damané?

L’abonamënt anual “Euregio Ticket Students” pó se lascé fá che che stüdia te n’université o n'istituziun de formaziun ecuipararada tl’Euregio y n’á nia ciamó cumplí 28 agn. La cherta pó gní damanada do tres n formular online sön chësta plata web. Le cost pauscial dl Euregio Ticket Students é de 320 euro; an n’á nia bria da paié ince la cherta. Che che stüdia che á bele n Südtirol Pass abo+ pó, te ot mëisc da canche ai a ciafé o arlungé l’abo+, damané do paian ite 170 euro l’Euregio Ticket Students. I ciafëis spo na cherta nöia che i podëis tó te döt l’Euregio.

Olá vel pa l’abo?

Por i abonamënc dl’Euregio dá fora tl Südtirol velel sön i mesi dl trasport publich tl Südtirol i medemi criters de adoranza co cun le Südtirol Pass abo+. Chël ó dí: Al tleca fá le check-in denanco jí te bus o ferata.

Tl Tirol y tl Trentin mëss indere l’Euregio Ticket Students dé fora tl Südtirol gní mostré ti mesi dl trasport publich; al é stlüt fora val’ linies turistiches. Sce an ó pón ativé la funziun de paiamënt por paié impara le sorvisc da se tó para la roda o tiers tl Südtirol, sciöche ince por jí cun le nightliner. 

Scenó velel por l’Euregio Ticket Students pro i iadi cun le bus y la ferata de regola i criters d’adoranza dla provinzia olache an é. Al é da tigní cunt dantadöt dles desposiziuns desfarëntes por ci che reverda les ferates che vá lunc y le tó para la roda o tiers sön mesi dl trasport publich. 

Dötes les informaziuns sön l’Euregio Ticket Students ciafon chiló:

www.suedtirolmobil.info

 www.vvt.at (Tirol)

www.trentinotrasporti.it (Trentino)

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.