Les brosciüres di orars por le 2023 é bele da ciafé ti infopoints de südtirolmubilità y te d'atri posć saráres tosc danman.
Ince te n tëmp digital vëgnel ciamó damané do les brosciüres di orars sön papier. Porchël unse lascé stampé ince en chësc ann n gran numer de brosciüres te n format da gofa che é dër comot. I codejí é a desposiziun te indöt sis verjiuns aladô dles zones desfarëntes: Balsan/Unterland/Überetsch, Maran/Burggrafenamt/Venosta, Val d'Isarch/Alta Val d'Isarch, Gherdëna/Badia y Puster; implü él ince gnü stampé n codejel aposta cun i orars dla ferata.
Che che oress dötes les verjiuns pó jí diretamënter a se les tó ti infopoints de südtirolmubilità por ejëmpl tl infopoint tla staziun de Bornech, tl infopoint Mobile a Porsenú, tla staziun dl bus a Balsan, tl infopoint dla furnadoia dl Renun y ince te chël dla SASA a Maran, sön le Rennweg.
Ti infopoints ciafon lapró debann ince na scatora de cartun de südtirolmubilità olache an pó mëte i libri di orars y i tigní sö te na manira ordinada.
Tosc sará les brosciüres por les zones singoles ince da ciafé te d'atri posć: te tröc ofizi turistics, ti ofizi raionai, pro i grups locai dl KVW y ince tres l'assoziaziun dla jënt atempada dla Lia di paurs. Les brosciüres cun i orars dla ferata é danman te dötes les staziuns dl Südtirol.