Sëgn pón cumpré y convalidé les chertes di bus Nightliner y di sorvisc de shuttle ince online: zënza messëi se registré y zënza messëi chirí fora denant le iade.
Cun les chertes di Nightliner scomëncel na era nöia dla südtirolmubiltà: al é les prömes chertes che an ciafa da atira inant te na forma digitala tres la app südtirolmobil. Les porsones che n'á nia le Südtirol Pass y gnanca l'abo+ á insciö la poscibilité da se cumpré canchessî tres le smartphone y zënza messëi se registré danfora les trëi sorts de chertes por i sorvisc de Nightliner y da les convalidé online denanco pié ia.
Do che al ê gnü porté ite l'ann passé da d'altonn la convalidaziun online por le Südtirol Pass fej sëgn la südtirolmubiltà ciamó n vare devers dl mobile ticketing: da d'altonn sarál a desposiziun ciamó d'atres chertes te na forma digitala.
Insciö vára da cumpré na cherta:
Sëgn te na pröma fasa ciafon da cumpré chëstes chertes tl ticketshop (icona dal corú dl flider sön la app südtirolmobil): chertes singules dl Nightliner sön les linies prinzipales, chertes de nöt dl Nightliner y ince chertes singules-Nightliner por i sorvisc de shuttle. Canche an cumpra na cherta él da dé dant l'inom dl titolar o dla titolara dla cherta y tan de chertes che an ó cumpré. Al é da paié cun la cherta de credit don dant i dac damaná.
Insciö él da convalidé:
Do che an á cumpré na cherta digitala éra tla suravijiun dles chertes ("ticket"-icon). Denanco pié ia él da convalidé online la cherta dl Nightliner (cliché sön le botun "convalidé"). Da chësc momënt inant vëigon che le iade convalidé é "atif" y an pó pié ia cun le Nightliner .
Por mostré sö che le "iade é atif" - canche an vá te bus o tl caje che an ess da gní controlá - él da cliché sön l'icona dal corú dl flider cun le barcode-design y dedô sön le botun ble "controlé la validité". Na cherta dl Nightliner varënta y convalidada reconëscion dal cheder vërt, dala denominaziun "iade atif" cun l'indicaziun dl orar canche al é gnü convalidé la cherta.
Chertes "normales" ciafon tres ciamó inant
Les chertes por les linies prinzipales dl nighlliner y ince les chertes de nöt dl Nightliner ciafon tres ciamó, sciöche cina sëgn, ince da cumpré sön papier ti bus y pro i automac dles chertes. Chertes singoles por i sorvisc de shuttle pón indere ma cumpré online tres le ticketshp dla südtirolmubiltà.