Alcuni passeggeri sull'autobus

Bonus dl trasport 2023

Can y co gnará ciamó stlarí

Aladô dla deliberaziun dl Govern dess le bonus dl trasport gní conzedü ince chësc ann. I detais sön la realisaziun tecnica n’é nia ciamó danman.

Cun le insciödit “Decret ciarburant” (d.l. n. 5 di 14/01/2023) á le Govern metü a jí i vari che vá debojëgn por arlungé le bonus dl trasport dl 2023. Al momënt savunse che chësc iade revardará le bonus dl trasport ma porsones cun n davagn al ann cina 20.000 euro, l’ann passé ê le lim mascimal 35.000 euro. Passa 17.000 porsones cun le Südtirol Pass y abonamënc á ciafé dl 2022 le bonus de alplü 60 euro, chësc ann nen sarál cotan demanco.

I detais sön i termins y la realisaziun tecnica gnará stlaris proscima edema dal ministere dl trasport tres n regolamënt. Do la publicaziun se cruziarunse dla realisaziun y i ciararun coche les modalités da fá domanda y ciafé le bonus mëss gní adatates tl sistem de dac de südtirolmubiltà.

A vigni moda: Pornanche al é danman de plü informaziuns ves lasciarunse atira alsavëi i detais. Ince chësc iade ciararunse da fá döt ci che ara vá por che le bonus dl trasport vëgnes ince apliché al Südtirol Pass y che al sides saurí da s’un anuzé.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.