Park & Ride

Penduleres de viac cun la ferata cun l Südtirol Pass possa parché l auto debant

La plazes da parché i auti pra la stazions dëssa vester dantaldut a despusizion dla persones che va cun la ferata y danter chëstes dantaldut per chëles che se nuza dla ferata per jì a lauré. La cundizions de parché l auto dëssa per chësta persones vester pusciblmënter bones.

Perchël velel per la plazes da parché i auti a paiamënt dla stazions de Persenon,  Burnech y Marlengo/Marling per tlienc y tlientes cun l Südtirol Pass chësta regulamentazion: chi che lascia si auto sun la plaza da parché y furnea inant da iló dieretamënter cun na ferata regiunela possa lascé l auto a cundizions particulermënter a bon marcià. Chi che tol mo n chël di na ferata regiunela per l viac de reviers ala medema stazion ne paia nchinamei nia per lascé l auto.

La spëisa per parché l auto vën bel scëmpl trata ju dal Südtirol Pass. L Südtirol Pass vën nce nuzà per giaurì la stangia d’azes ala plaza da parché. L tleca mëter la cherta permez al njin de letura pra la seva canche n furnea ite y ora.

Bon a savëi

Parché l auto de nuet: L sistem funzionea nce per penduleres che lascia for de nuet l auto sun la plaza da parché. La cundizion per parché l auto debant ie te chësc cajo che do l prim iede che n furnea ite tla plaza di auti vën tramedoi cunvalidedes per la ferata (per l viac de jita y per chël de reviers) fates tl tëmp de 24 ëura.

Chi possa pa se nuzé dl servisc?

Chi che ulëssa adurvé si Südtirol Pass o si Euregio Family Pass per la plazes da parché i auti pra la stazions de Persenon, Burnech y Marlengo/Marling possa sun si cont de nuzeda persunel ativé l servisc de njonta “Park & Ride”. La cundizion ie chëla de avëi n cuntrat postpaid (SEPA Direct Debit / paiamënt tres debit bancher). I tlienc y la tlientes cun l Südtirol Pass cun n cuntrat prepaid possa tres l cont de nuzeda persunel mudé la maniera de paiamënt y per fé chësc iel mé de bujën de n valgun clics.

L pachet de njonta Park & Ride ie nce da garat per l Südtirol Pass abo+ y l Südtirol Pass 65+, sce la funzion de paiamënt ie ativeda y sce l ie dan man n cuntrat postpaid.
Viagiadëures cun n Südtirol Pass free possa damandé n abunamënt da parché l auto pra la polizai dl chemun curespundënt.

Nsci vëniel lascià l auto
  1. Canche n furnea ite: tenì permez l Südtirol Pass pra l njin de letura pra la seva dala ntreda. La stangia se gëura.
  2. Canche n furnea ora: mëter permez l Südtirol Pass al njin de letura pra la seva ulache n va  ora. La stangia se gëura.

Mpurtant: Ne fajëde nia na cherta da parché l auto!

Südtirol Pass: Metuda n cont dla spëises per l parché

L prinzip: la tarifa da parché mascima al di per i tlienc y la tlientes cun l Südtirol Pass ie, sibe pra la stazion de Persenon che pra chëla de Burnech, de 6 euro. Sce l vën n l medemo di fat na cunvalidazion per n viac cun na ferata regiunela vën la spëisa per l parché smendrida a 3 euro al di. Sce l viac de reviers cun la ferata regiunela ala medema stazion vën ënghe fata n chël di ie la tarifa de viac de 0 Euro.

I tlienc y la tlientes cun l Südtirol Pass à te uni cajo la garanzia che i/les giapa for la tarifa plu cunvenienta; chësta possa tl cajo de tëmps da parché curc nce vester la tarifa al’ëura normala.

Prëibel tenide cont: la reduzion dl priesc per l parché per i tlienc y la tlientes cun l Südtirol Pass vën mé metuda n droa sce l vën per furné inant o de reviers adurvà na ferata regiunela. L ne vën nia fat na reduzion dla spëises per l parché canche l cunvalidamënt vën fat te na curiera o sce l vën pra l viac de reviers cris ora n autra stazion de destinazion.

Parché l auto zënza l Südtirol Pass

Sce l vën nuzà la plaza de parché i auti a paiamënt pra la stazion de Persenon, Burnech o Marlengo/Marling zënza l Südtirol Pass iel da cumpré na cherta da parché y l vel la tarifes normales dates dant dal chemun:

Plaza da parché i auti pra la stazion de Persenon

Uni di dl’ena

7:00 – 19:00: 1,30 euro per uni ëura scumenceda
19:00 – 7:00: 0,60 euro per uni ëura scumenceda

Lascé l auto per n tëmp curt nchin al plu 30 menuc da canche n furnea tla plaza dai auti ie debant.

 

Plaza da parché i auti pra la stazion de Burnech

Uni di dl’ena

dala 0 ala 24: 1 Euro al'ëura

Plaza da parché i auto pra la stazion de Marlengo/Marling

Lönesc cina sabeda

08.00 – 18.00 (lönesc-vëndres) 0,50 euro al'ëura
08.00 – 13.00 (sabeda) 0,50 euro al'ëura

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.